ហេតុអ្វីសេវាយើងខ្ញុំ?

បន្ទាប់ពីអតិថិជនបានព្រមព្រៀងទៅលើសម្រង់តម្លៃ យើងខ្ញុំទទួលឯកសារដែលត្រូវបកប្រែ រួចនឹងចាត់តាំងអ្នកគ្រប់​គ្រងគម្រោងដែលមានសមត្ថភាពបំផុតដើម្បីធ្វើការលើគម្រោងនោះ​។ អ្នកគ្រប់គ្រងគម្រោងយើងខ្ញុំគឺជាអ្នកជំនាញភាសាដែលមានវិជ្ជាជីវៈ និងបទពិសោធន៍ដ៏ទូលំទូលាយក្នុងការគ្រប់គ្រងគម្រោងបកប្រែនានា​។  យើងខ្ញុំចាត់តាំងតែអ្នកគ្រប់គ្រងគម្រោងដែលមានប្រវត្តិការងារ និងបទពិសោធន៍សក្តិសមទៅនឹងគម្រោងរបស់អតិថិជនប៉ុណ្ណោះ​។

បន្ទាប់ពីបានចាត់តាំងអ្នកគ្រប់គ្រងគម្រោងដ៏មានសមត្ថភាពបំផុតរួចរាល់ អ្នកគ្រប់គ្រងរូបនោះចាប់ផ្តើមវាយ​តម្លៃ និងវិភាគលើឯកសារបកប្រែ​។ បន្ទាប់មក អ្នកគ្រប់គ្រងគម្រោងបង្កើតគោលការណ៍ណែនាំស្តីពីការបកប្រែដែលមានសមត្ថភាព សទ្ទានុក្រមបច្ចេកសព្ទ និងឯកសារយោងសម្រាប់គម្រោងនោះ​។ បន្ទាប់មកទៀត អ្នកគ្រប់គ្រងកំណត់ និងចាត់តាំងជំនាញការបកប្រែ និងអ្នកត្រួតពិនិត្យ/អ្នកកែអក្ខរាវិរុទ្ធដែលមានសមត្ថភាពបំផុត ដើម្បីគ្រប់គ្រងលើគម្រោងបកប្រែនោះ​។ ដើម្បីគ្រប់គ្រងការងារគម្រោងបកប្រែនានា យើងខ្ញុំចាត់តាំងតែអ្នកបកប្រែ និងអ្នកត្រួតពិនិត្យ/អ្នកកែអក្ខរាវិរុទ្ធដែលមានបទពិសោធន៍ និងចំណេះដឹងជាក់លាក់ សក្តិសមទៅនឹងគម្រោងរបស់អតិថិជន។

មុនពេលចាប់ផ្តើមការងារបកប្រែ អ្នកគ្រប់គ្រងគម្រោងនឹងផ្ដល់ឯកសារយោង និងព័ត៌មានលម្អិតច្បាស់លាស់មួយចប់ទៅឲ្យអ្នកឯកទេសបកប្រែ និងអ្នកត្រួតពិនិត្យ/អ្នកកែអក្ខរាវិរុទ្ធគ្រប់ៗគ្នា។ បន្ទាប់មក អ្នកបកប្រែចាប់ផ្តើមបកប្រែឯកសារដោយអនុលោមតាមគោលការណ៍ណែនាំ បច្ចេកសព្ទ និងឯកសារយោងដែលបានផ្តល់ជូន។ ឆ្លងកាត់បទពិសោធន៍ប្រកបដោយវិជ្ជាជីវៈច្បាស់លាស់ និងចំណេះដឹងជាក់លាក់ក្នុងវិស័យបកប្រែ និងឯកសារយោងគ្រប់គ្រាន់ក្នុងដៃ អ្នកបកប្រែយើងខ្ញុំអាចធានាបកប្រែស្របតាមអត្ថន័យដែលគេចង់បាន បច្ចេកសព្ទជាក់លាក់តាមវិស័យ និងសម្របតាមវប្បធម៌។ បន្ទាប់មកទៀត ត្រូវបញ្ជូនឯកសារដែលបានបកប្រែរួចរាល់ទៅឲ្យអ្នកគ្រប់គ្រងគម្រោង។

អ្នកគ្រប់គ្រងគម្រោងពិនិត្យមើលឯកសារដែលបានបកប្រែរួច។ បន្ទាប់មក អ្នកគ្រប់គ្រងគម្រោងបញ្ជូនឯកសារដែលបកប្រែរួចនោះទៅឲ្យអ្នកត្រួតពិនិត្យ/អ្នកកែអក្ខរាវិរុទ្ធដើម្បីកែសម្រួល និងកែអក្ខរាវិរុទ្ធដើម្បីធានាថា កាងារបកប្រែនោះត្រូវបានបញ្ចប់ដោយត្រឹមត្រូវ និងសមស្រប។ មានន័យថា ការងារបកប្រែនោះមិនមានកំហុសឆ្គង និងអាចទទួលយកបានតាមវប្បធម៌ប្រកបដោយគុណភាពខ្ពស់បំផុតស្របតាមការរំពឹងទុករបស់អតិថិជន។ នៅពេលបកប្រែរួច អ្នកត្រួតពិនិត្យ/អ្នកកែអក្ខរាវិរុទ្ធបញ្ជូនឯកសារដែលបាពិនិត្យកែសម្រួលរួចដោយមានមតិយោបល់ទៅឲ្យអ្នកគ្រប់គ្រងគម្រោង។

នៅពេលទទួលបានឯកសារដែលពិនិត្យកែសម្រួលរួច អ្នកត្រួតពិនិត្យ/អ្នកកែអក្ខរាវិរុទ្ធពិនិត្យមើលឯកសារនេះម្ដងទៀត មុននឹងបញ្ជូនទៅឲ្យអ្នកបកប្រែវិញ ដើម្បីកែសម្រួល និងធ្វើការកែប្រែដែលចាំបាច់តាមការលើកឡើងពីអ្នកត្រួតពិនិត្យ/អ្នកកែអក្ខរាវិរុទ្ធ។ នៅពេលបកប្រែចប់ ត្រូវបញ្ជូនឯកសារដែលបានបកប្រែរួចនោះទៅឲ្យអ្នកគ្រប់គ្រងគម្រោងវិញ។

បន្ទាប់ពីទទួលបានឯកសារដែលបកប្រែរួច អ្នកគ្រប់គ្រងគម្រោងបញ្ជូនឯកសារនោះទៅឲ្យអ្នកឯកទេសដើម្បីកែសម្រួលទម្រង់ បែបបទ និងទ្រង់ទ្រាយដើម្បីធានាថា ការបកប្រែនោះស្របតាមតម្រូវការរបស់អតិថិជន។ នៅពេលបកប្រែរួច អ្នកឯកទេសបញ្ជូនឯកសារនោះទៅឲ្យអ្នកគ្រប់គ្រងគម្រោង។

នៅពេលទទួលបានឯកសារពីអ្នកឯកទេស អ្នកគ្រប់គ្រងគម្រោងបញ្ជូនឯកសារទៅឲ្យអ្នកកែអក្ខរាវិរុទ្ធទីពីរពិនិត្យបន្ថែមទៀតដើម្បីធានាថា អ្នកបកប្រែបានបញ្ចូលមតិយោបល់យ៉ាងសមស្រប ហើយអ្វីដែលសំខាន់បំផុត គឺការបកប្រែនោះគ្មានកំហុសឆ្គង។ បន្ទាប់មក អ្នកកែអក្ខរាវិរុទ្ធទីពីរនោះបញ្ជូនឯកសារទៅឲ្យអ្នកគ្រប់គ្រងគម្រោងវិញ។

នៅពេលទទួលបានឯកសារ អ្នកគ្រប់គ្រងគម្រោងនឹងពិនិត្យគុណភាពចុងក្រោយ ដើម្បីធានាបាននូវការបកប្រែដែលមានគុណភាពខ្ពស់បំផុត គ្មានកំហុសឆ្គង និងស្របតាមតម្រូវការរបស់អតិថិជន​។ បន្ទាប់មក បញ្ជូនសំណៅបកប្រែចុងក្រោយទៅឲ្យអតិថិជន។ ដោយសារតែយើងខ្ញុំប្តេជ្ញាផ្តល់សេវាដែលមានគុណភាពខ្ពស់បំផុតជូនអតិថិជន ដូច្នេះ ប្រសិនបើគុណភាពនៃការបកប្រែរបស់យើងខ្ញុំមិនអាចទទួលយកបានដោយប្រការណាមួយ យើងខ្ញុំមានឆន្ទៈក្នុងការសហការកែសម្រួលជាមួយអតិថិជននោះដោយឥតគិតថ្លៃបន្ថែមឡើយ រហូតទាល់តែគុណភាពបកប្រែអាចទទួលយកបាន។

អាសយដ្ឋាន៖ ផ្ទះលេខ៤០អា ផ្លូវលេខ៤៥៤ សង្កាត់ទួលទំពូងទី២ ខណ្ឌចំការមន រាជធានីភ្នំពេញ

ទូរសព្ទលេខ៖ ០១២ ២៣៤៥​ ៩៧/០១៦ ៤ ៣៤៥៦៧

អ៊ីមែល៖ info@creativetranslate.com/orachana168@gmail.com

គេហទំព័រ៖ www.creativetranslate.com